Եվրոպական խաղերին ընդառաջ` շների զանգվածային սպանդ Բաքվում
Ամռանն անցկացվելիք Եվրոպական խաղերին ընդառաջ Բաքուն թափառական շներից մաքրելու համար Ադրբեջանի իշխանություններն իսկական «հիտլերյան ցեղասպանական միջոցառումներ» են իրագործում: Բաքվում թափառական շներին հավաքելու, հրապարակավ գազանաբար սպանելու և այրելու դիակիզարաններ են ստեղծվել: Այս մասին հաղորդում է ադրբեջանական Virtualaz.org կայքը:
Կայքը հայտնում է, որ չնայած այն բանին, որ կառավարությունը տարեկան միլիոնավոր դոլարների ֆինանսական միջոցներ է հատկացնում Բաքվում թափառող կենդանիների դեմ քիչ թե շատ քաղաքակիրթ պայքարի համար, սակայն, նման կենդանիների թիվը գնալով աճում է, աճում է նաև կատաղած կենդանիների կողմից մարդկանց վրա հարձակումների թիվը:
«Օրը ցերեկով զենքը ձեռքին շրջում են քաղաքում ու պատահած վայրում մարդկանց ներկայությամբ կրակում շների վրա: Նրանք դրան առարկող քաղաքացիներին անգամ սպառնում են ու կոչ անում չմիջամտել», -տարակուսում է կայքը` հիշեցնելով, թե Ադրբեջանը Կենդանիների իրավունքների պաշտպանության եվրոպական համաձայնագրին միացել է 2007 թ-ի մայիսին:
«Կենդանական աշխարհի պաշտպանության դաշինք» ՀԿ-ի ղեկավար Մանսուրա Ռասուլզադեն կայքի հետ զրույցում հայտնել է, որ չնայած ըստ այդ համաձայնագրի` թափառական կենդանիների դեմ պայքարի աշխատանքը պետք է հանձնարարվեր Պետական անասնաբուժական ծառայությանը, սակայն, այն կցվել է Բաքվի քաղաքապետարանին, որն էլ այդ աշխատանքն իրագործում է` ինչպես ցանկանում է:
Ադրբեջանցի փորձագետը կարծում է, որ 79 հազար շուն սպանող երկրում չպետք է թույլատրվի միջազգային միջոցառումներ անցկացնել: «Քանի որ դա նշանակում է` երկիրը կարանտինի տակ է, համաճարակի վտանգ կա»,- զգուշացնում է փորձագետը:
Կայքը հայտնում է, որ 2011 թվականին «Եվրատեսիլ-2012» երգի մրցույթի շրջանակներում Բաքվում հազարավոր թափառական շներ են ոչնչացվել, ինչը գրավել էր նաև միջազգային մամուլի ուշադրությունը: «Մոտենում են Եվրոպական օլիմպիական խաղերը: Իսկ դա նշանակում է, որ «շնային կոռուպցիան» ավելի շատ կլցնի ոմանց գրպանները», -գրում է կայքը:
Նախորդիվ`
The Guardian. «Amnesty-ն կոչ է անում բոյկոտել Բաքվի եվրոպական խաղերը»
Ադրբեջանում կոչ են անում հրաժարվել Եվրոպական խաղերից, իսկ ազգայնականները սպառնում են հայկական հավաքականին
EurasiaNet.org. Եվրոպական խաղերը միջազգային հանրության ուշադրությունը կհրավիրեն Ադրբեջանում ժողովրդավարության խնդիրների վրա
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
